实用韩文app推介!!! 4个手机app轻鬆学韩文
呢个app可以同时学习「字母」、「音节」同「字表」，仲有韩文键盘同测验比大家试玩，click入去「字母」就可以母音、子音逐个睇！
「韩文101」app
「韩文101」app介面
app入面提供基础韩文母音、子音嘅真人发音同写法，可以随时转换页面，仲有埋单字可以加深印象！背好基础发音之后，可以试下click入右上角个剔到做个快速测验！
完成测验后会统计用咗几多时间同成绩，计返平均分，睇下自己有冇进步！
除左「字母」之外，click入去「音节」仲有得学发音原理同写法，非常方便！
语言：繁体中文
系统：Android、iOS
费用：免费
2.边学边写！跟着教学试写韩文
想学好韩文除咗听都要识写，「韩文发音」将韩文字母清晰分类，仲可以自己郁手写同尝试组合母音、字音，韩文速成冇难度！
「韩文发音」app
「韩文发音」app介面
除咗认识字音、母音，仲可以学埋拼写韩文㗎！有真人发音听返，click入去仲可以拣自己试写，写过一次自然印象更深刻啦！
有咗基本概念之后，可以试下挑战几个元音嘅基础拼音！仲有进阶嘅韩文複合词、多音节词等，轻鬆掌握韩文！
最后当然唔少得要学习主题单字，呢个app嘅单字教学以主题分类，可以一次过睇哂唔同颜色、唔同动物嘅韩文啊！
语言：繁体中文
系统：iOS
费用：免费
3.常用句式！游走韩国必备句子
学完单字不如试下升级学下简单对话啦！「Korean Lingocards」有齐实用嘅简单会话，有埋罗马拼音，配合真人发音十分容易上手，如果发音基础比较弱嘅话咁样学都係另一条捷径嚟㗎！
「Korean Lingocards」app
「Korean Lingocards」 app介面
呢个app已经将常用短句分好唔同类型，按照自己唔同需要click入去就可以搵到想学嘅句子啦！
就咁学韩文照住读似乎闷咗啲喎！呢个app特别之处在于要储经验值嚟解锁下一个主题！每听一次经验值就会上升，要达到下一关要求嘅级数先可以click入去，咁样就更加有动力听多几次，学好韩文啦！
语言：繁体中文
系统：Android、iOS
费用：免费
4.融入韩国！进阶句式轻鬆交谈
想学更进阶嘅韩文对话就可以用「学韩语」练习啦，去到韩国随时遇到心仪对象都唔会口哑哑！学几句问候语同餐厅嘅阿珠妈倾下计话唔定会有个折头添㗎！
「学韩文」app
「学韩文」app介面
呢个app同样分好类比大家拣，有啲比较深嘅句式可能要读多几次啦！如果只係记得一两个字，可以click右上角search完整句子，万一唔识都可以听返真人发音，好快可以变成半个韩国人啦！
学定几句到时去到同阿珠妈倾计又得，遇到心仪对象都可以讲几句打开话题，唔洗再指手划脚咁鸡同鸭讲啦！
语言：繁体中文
系统：Android
费用：免费
